मुंबई : स्टार प्रवाहवरील ‘डॉ. बाबासाहेब आंबेडकर’ मालिकेला दिवसेंदिवस प्रेक्षकांचा भरभरुन प्रतिसाद मिळत आहे. या मालिकेतील प्रत्येक व्यक्तिरेखेवर प्रेक्षक जीवापाड प्रेम करत आहेत. कार्टुन आणि मोबाइलमध्ये रमणाऱ्या लहान मुलांनाही या मालिकेची गोडी लागली आहे. फक्त महाराष्ट्रातच नाही, तर देशाच्या कानाकोपऱ्यात या मालिकेची प्रसिद्धी पोहोचली आहे. युरोप आणि अमेरिकेसारख्या विदेशांमध्येही ही मालिका पाहिली जात असल्याचे अभिप्राय येत आहेत.
सोशल मीडियाद्वारे प्रेक्षक या मालिकेविषयी वाटणारा आदर आणि प्रेम व्यक्त करत असून, या मालिकेतील सर्व कलाकारांच्या आणि स्टार प्रवाहच्या फेसबुक, ट्विटर आणि इन्स्टाग्राम अकाउंटवर प्रेक्षकांच्या प्रेमाचा वर्षाव पाहायला मिळत आहे. या मालिकेने नुकताच ५० भागांचा यशस्वी टप्पा पूर्ण केला आहे.